CV DE HUNJ

CV de Hunj is ein 11-koppige vrunjeclub ontstange, hjael lang geleeje, in de fanfarezaal aan de kelderstraot in Stein. Inmiddels al 2x11, en get mjea, jaore actief in t Steinse vastelaoveslaeve.

Ons doel

Elk jaor organiseren veer, de inmiddels, legendarische Mösjezitting. Ein zitting die bekend steit om zien onneuzeligheid, gezelligheid, ‘top’-artiesten en veule liters vochtige middelen. Elk jaor legge v’r de lat weer ljaeger en proberen v’r t gehalte onneuzeligheid te verbeater. Zo auch in 2025. V’r gaon weer grwaots oetpakke. De steun van dees campagne is doabie van grwaot belang! Dankzij dit geweldige initiatief van de rabobank zette veer weer get sjieks op de planken!